еМагазин
Image default
Македонија

Што велат грчки владини извори за заклучоците на ЕУ за Македонија, Турција и Албанија

Советот не само што го поздравува Договорот од Преспа, туку ја истакнува и важноста на неговото спроведување, а со тоа ЕУ добива улога во следењето на верната имплементација, коментираат грчки владини извори за вчерашните заклучоци на министрите за надворешни работи на земјите членки на Европската унија во однос на Северна Македонија, јави дописничката на МИА од Атина.

– Советот за прв пат, не само што го поздравува како историски Договорот од Преспа, потенцирајќи ја неговата важност за интегративниот процес на Северна Македонија, туку ја истакнува и важноста на неговото спроведување. На овој начин ЕУ добива улога во следењето на верната имплементација на Договорот од Преспа, коментираат грчките владини извори.

Во однос на Турција, истите извори велат дека ЕУ за прв пат одлучува за мерки за Анкара „за прекршување на меѓународното право и конкретно за активностите во кипарската ексклузивна економска зона“.

За Албанија, грчките владини извори коментираат дека „за прв пат Советот официјално го поставува заштитата на правата на сопственост и правото на самоопределување, како критериуми за пристапниот процес“.

МИА

ПОВРЗАНИ ВЕСТИ

Франција, Германија, Холандија, Данска, Белгија, Луксембург и Шпанија биле против датум за преговори со Македонија, тврди Милошоски

Може ли до октомври и Грција да стане проблем за старт на преговори со ЕУ?

Зошто Кипар се заканува со вето за старт на преговорите на Македонија и Албанија со ЕУ?

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Убава вест: Оздравени се осум болни од Ковид-19

Редакција

Знамето на „голема Албанија“ во Тетово го веел германски државјанин

Редакција

Прес-конференциите на Владата од денеска само на онлајн стрим, без присуство на сниматели и новинари

Редакција