еМагазин
Image default
Македонија

Штрајкот на просветните работници ставен во мирување

Штрајкот на просветните работници е ставен во мирување до конечната понуда од Министерството за образаование и наука, изјави денеска претседателот на Синдикатот за образование, наука и култура (СОНК), Јаким Неделков.

Неделков напомена дека штрајкот е ставен во мирување врз основа на анализите дека за зголемување на платите на Министерството за образование и наука му се потребни уште неколку дена.

– Се прават напори за обезбедување на потребните средства. Ова не се празни фрази, туку силна заложба да се најде заедничко прифатливо решение, нагласи министерот за образование и наука Арбер Адеми.

Тој  посочи дека сега се разгледува опцијата наместо од април, да се обезбедат средства за зголемувањето на платите од јануари, како што бара СОНК.

Адеми за утре ги покани претставниците на СОНК на средба во Министерството на последна рунда на преговори каде ќе се знае конечниот став.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нови рочишта за „Титаник“ и „Маџар телеком“

Редакција

938 државни административци вработени според Рамковниот договор и натаму ќе седат дома, а ќе добиваат плата

Редакција

Убава вест: Над 50 од 70 заразени здравствени работници во болницата во Куманово се вратија на работа

Редакција