Сите четворица кои починаа од корона вирусот немале контакт со потврден случај

Од Министерството за здравство вчера информираа дека на Клиниката за инфективни болести и фебрилни состојби починаа двајца пациенти, пациент од Скопје на 73-годишна возраст, примен на клиниката на 21 мај и пациент од Велес на 82-годишна возраст, хоспитализиран на 22 мај.

Во ГОБ „8 септември“ пак почина пациентка од Скопје на 76-годишна возраст, примена на 21 мај и пациентка од Тетово на 55-годишна возраст, примена на 27 мај.

Детали за новопочинатите соопшти и Институтот за јавно здравје (ИЈЗ).

“Пријавени се 4 смртни случаи, од Скопје, Тетово и Велес. Случаите се на возраст од 55-83 години, сите со присутни симптоми.

Случаите биле хоспитализиран во КИБФС и ГОБ 8-ми септември каде и починале.

Сите имале пропратни коморбидитети (хронична/здравствени состојби, н.з.), а ниту еден немал контакт со потврден случај.

Починатите се без историја на патување“, стои во анализата на ИЈЗ, која еМагазин секојдневно ја пренесува.

Вкупниот број на починати поради компликации од корона вирусот во Македонија е 126.

ПОВРЗАНИ ВЕСТИ

„Сега Ново Лисиче ќе бара да се отцепи од Аеродром„: Твитер реакции за растот на бројот на заразени со корона вирусот

Неодговорните граѓани и тие што не веруваат дека постои корона вирусот на крај ќе не остават и без леб

Чаир има повеќе активни заразени со корона вирусот отколку што Дебар имаше вкупно