Скопје, каде деновиве се бележи драстичен раст на бројот на заразени со Ковид-19, има иста кумулативна инциденца како Дебар, општината која беше во карантин еден месец, покажуваат податоците на Институтот за јавно здравје (ИЈЗ), заклучно со 4. јуни, кои еМагазин секојдневно ги пренесува.
Кумулативна инциденца го покажува бројот на заразени на 100 илјади жители.
“Највисока кумулативна инциденца на 100.000 жители се регистрира во Куманово со 368,6 заболени на 100.000 жители, Штип (273,4/100.000), Прилеп (227,7/100.000), Велес (208,3/100.000), Дебар (187,4/100.000), Скопје (187,0/100.000), Струга (134,1/100.000) и Тетово (128,7/100.000), додека инциденца со над 50 заболени на 100.000 жители е регистрирана во Кочани, Пехчево и Неготино“, стои во анализата на ИЈЗ.
Вчера во Скопје беа регистрирани рекордни 109 случаи, а во Дебар после педесетина дена корона вирусот се врати и е регистриран еден нов случај.
Скопје има досега вкупно 1.158 случаи на заразени, од кои активни се 552, а Дебар вкупно има 52 случаи, од кои активен е 1.
ПОВРЗАНИ ВЕСТИ
Еден пациент од новопочинати од корона вирусот бил со претходни заболувања
Повеќе од половина од новозаразените со корона вирусот имале контакт со потврден случај
Еве како изгледа мапата по градови низ Македонија:
Фото: Град Скопје/мапа: ИЈЗ