еМагазин
Image default
Македонија ТОП СТОРИИ

„Слаб одзив, вториот круг неизвесен“: Што коментираат странските медиуми за претседателските избори

„Кандидатите на владејачката СДСМ и на националистичката ВМРО-ДПМНЕ ќе се соочат на вториот круг од претседателските избори во Северна Македонија на 5 мај, откако двајцата кандидати не успеа да соберат доволно гласови за да прогласат победа во првиот круг“, објави германската новинска агенција ДПА.

ДПА наведува дека и кандидатот на СДСМ, Стево Пендаровски и на ВМРО-ДПМНЕ, Гордана Силјановска-Давкова синоќа прогласија победа откако Пендаровски освои 42,70, а Силјановска Давкова 42,58 проценти од преброените 97,25 проценти од гласовите.

Блерим Река, поддржан од две партии на етничките Албанци освои 10,36 отсто од гласовите.

АФП објави дека на „првиот круг од претседателските избори во Северна Македонија забележана е исклучително ниска изборна активност“, како и дека двајцата кандидати прогласија победа во првиот круг.

Агенцијата ги цитира и изјавите на Пендаровски, кој наведе дека „денеска постигнавме огромна победа“, како и на Силјановска Давкова, која посочи дека „ние ги убедивме гласачите дека без правда нема НАТО и ЕУ“.

На претседателските избори во Република Северна Македонија се осврнува и Танјуг, наведувајќи дека „кандидатот на владејачката СДСМ и на албанската ДУИ, Стево Пендаровски е во незначителна предност пред кандидатката на ВМРО-ДПМНЕ, Силјановска Давкова“.

Танјуг ја пренесува и изјавата на премиерот Зоран Заев, кој синоќа изјави дека Пендаровски ќе победи на 5 мај.

И агенцијата БЕТА ја пренесува изјавата на премиерот Заев, кој истакна дека „според неофицијалните резултати Пендаровски освои 4.300 гласови повеќе од Силјановска Давкова“.

ХИНА објави дека „на претседателските избори во Северна Македонија имаше слаб одѕив, вториот круг ќе биде неизвесен“.

Ал Џезира наведува дека на првиот круг од претседателските избори гласале 753.267 граѓани (41,78 отсто) и дека во втор круг одат Пендаровски и Силјановска Давкова.

БТА наведува дека двајцата кандидати прогласија победа во првиот круг од претседателските избори во Република Северна Македонија.

Бугарскиот портал БГНЕС ги објави резултатите на Државната изборна комисија (ДИК), според кои, кандидатот на СДСМ, Пендаровски, и кандидатката на ВМРО- ДПМНЕ, Силјановска Давкова, ќе се натпреваруваат во вториот круг од изборите.

МИА

ПОВРЗАНИ ВЕСТИ

Гласовите со кои Киро Глигоров стана претседател „научна фантастика“ за Пендаровски и Силјановска

„Тепачка“ за гласовите на Блерим Река

Твитер „збесна“ за изборите: „За прв пат Бојкотирам и ДУИ се на иста линија“

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Супертрејд“ го доби тендерот на општина Куманово за набавка на 558.000 литри масло за горење

Редакција

„ТУИ Ервејс“ не планира за наредната година да ги обнови сезонските летови од Лондон за Охрид

Редакција

Бугарскиот историчар Чуканов за спорот со Бугарија: „Нема шанси да бидеме браќа на сила“

Редакција