На виртуелен концерт, кој по македонско време започнува во 20 часот денеска светската музичка елита и најпознатите ликови од шоу бизнисот ќе им се заблагодарат на здравствените работници низ светот, кои се во првите „борбени редови“ во битката со коронавирусот, на пожарникарите, вработените во супермаркетите, полицајците, работниците…
Ќе настапат Лејди Гага, со чија соработка е организиран концертот, Џенифер Лопез, Опра Винфри, Џон Леџенд, Тејлор Свифт, Алиша Кис, Били Ајлиш, Ролинг Стоунс, Камила Кабејо, Селин Дион, Дејвид Бекам, Елен Деџенерес, Елтон Џон, Идриз Елба, Ј Балвин, Малума, Пол Макартни…
Концертот е организиран од Глобал Ситизен и Светската здравствена организација (СЗО).
“Целта на настанот е да послужи како извор на сплотеност и охрабрување во текот на глобалната битка со Ковид-19. Преку музиката, забавата и влијанието, ѕвездите ќе ја прослават работата на луѓето кои го ризикуваат своето здравје за да помогнат на другите“, изјави Хју Еванс, ко-основач и CEO на Global Citizen.
Концертот има хуманитарен карактер, а собраните средства ќе бидат донирани за заштитна опрема за здравствените работници во најпогодените земји.
Концертот можете да го следете ОВДЕ.