Убиството на децата и автомобилот од кој има траги на местото на убиството, а е однесен во близина на границата со Косово, покажува дека извршителите се професионалци. Оваа смс комуникација меѓу поранешниот заменик-министер за внатрешни работи, Џељал Бајрами и лидерот на ДУИ, Али Ахмети денеска беше прочитана на рочиштето за „Монструм” за убиството на момчињата и рибарот што се случи кај Смилковско Езеро на 12 април 2012 година.
Во една од пораките Бајрами на Ахмети му вели дека му кажал и на тогашниот премиер Никола Груевски дека се професионалци тие што ги убиле децата и му објаснил дека доколку се сакало да се предизвика криза немало да им пукаат во грб. Му кажал дека и во Косово и во 2001 година во Македонија кога требало да се направи криза тоа се правело со напад на униформирани лица или полициска станица.
Во СМС комуникација меѓу Ахмети и Чеику, соговорникот на лидерот на ДУИ му кажува дека биолошкиот материјал не припаѓа на луѓето кои се испрашани. На Груевски, во една СМС, некој му кажува дека е организирано спроведување на некој човек.
Судскиот процес го води судијата Огнен Ставрев, а застапнци на обвинението се обвинителите Фатиме Фетаи и Гаврил Бубевски.
За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.
Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост.
По укинувањето на пресудите, случајот „Монструм“ го презеде Специјалното јавно обвинителство (СЈО) и предметот беше вратен на повторно судење.
МИА
ПОВРЗАНИ ВЕСТИ