Обвинителката Вилма Русковска во врска со снимките кои поранешниот пратеник од ВМРО-ДПМНЕ, Антонио Милошоски ги достави до неа, а за кои тои тврди дека се индиции за злоупотреба на службената должност на поранешниот премиер и лидер на СДСМ, Зоран Заев, денеска рече дека истите се дадени на вештачење.
-Значи, првата снимка што ја донесе Милошоски и оваа вчера што ја донесе се дадени на вештачење. Така што, го чекаме наодот на вештачењата. Исто така, Милошоски го замолив доколку може, нормално, да обезбеди некои сведоци кои би го поткрепиле тоа што е на снимката, и на едната и на другата, рече Русковска.
Нагласи дека тој од неа побарал да обезбеди снимки од кабинетот во Владата од цел мај минатата година, што рече дека е несериозно, „затоа што којзнае колку луѓе биле во кабинетот на тогашниот премиер за месец дена“.
-Доколку посочеше конкретен датум сигурно дека ќе се побараше снимка, додаде обвинителката.
МИА
ПОВРЗАНИ ВЕСТИ
Милошоски ја предаде „бомбата“ на Русковска за наводно мешање на Заев во судската власт
Заев: Снимките на Милошоски веројатно се од разговори со групата исклучени пратеници од ВМРО-ДПМНЕ
(Видео) Нова „бомба“ на Антонио Милошоски: „Заев договорал одлуки на Врховниот суд“