еМагазин
Image default
Македонија ТОП СТОРИИ

Собранието и Владата се прогласија за ненадлежни во случајот Павле Богоевски, на ред истражните органи

Претседателот на Собранието, Талат Џафери смета дека нема уставна ниту деловничка основа да покрене постапка во случајот со пратеникот Павле Богоевски и очекува ефикасно постапување на надлежните институции за целосно расчистување на случајот.

„Претседателот на Собранието на Република Северна Македонија, секогаш кога според Уставот и Деловникот на Сoбранието е должен да постапува, презема конкретни иницијативи и мерки кои се во согласност со неговата надлежност.

Во овој момент нема основ за каква било постапка. Претседателот на Собранието очекува дека надлежните институции ќе постапуваат ефикасно и целосно ќе го расчистат случајот“, се наведува во ставот соопштен од кабинетот на Џафери.

Од Владата, пак, за случајот со пратеникот Павле Богоевски упатуваат дека одговорите треба да се бараат во Собранието, бидејќи во нивна надлежност се прашања или случувања кои се однесуваат на одговорноста на владини функционери.

„Во овој конкретен случај имајќи предвид дека станува збор за пратеник кој е дел од законодавната власт сметаме дека е потребно овој одговор да го дадат во Собранието.

Инаку, конкретно во однос на поднесената пријава од страна на пратеникот сите засегнати институции ќе постапат според прописот со цел расветлување на случајот, особено за снимањето и емитувањето на материјалот кој е забранет, како и за самоиницијативно поднесената пријава од страна на пратеникот Павле Богоевски“, изјави владиниот портпарол Миле Бошњаковски на денешната редовна прес-конференција во Владата одговарајќи на новинарско прашање.

На руската мрежа „Вконтакте“ на профилот „Илија Громовник“ деновиве беше објавена аудио снимка на која се тврдеше дека Богоевски е снимен како нарачува кокаин.

Пратеникот Богоевски потврди дека тоа е неговиот глас, но кажа дека не нарачувал кокаин туку масло од канабис. За неовластеното прислушување и тонско снимање, предвидено со чл. 151 од Кривичниот законик тој во ПС Центар поднесе пријава и рече дека очекува сторителот да биде изведен пред правдата.

Се пријави и самиот себе си во одделот за борба со недозволена трговија и шверц затоа што нарачувал масло од канабис, но вели тоа го направил за блиска особа за медицински цели, а не за пуштање во продажба.

МИА

ПОВРЗАНИ ВЕСТИ

Твитер „поцрвене“ за случајот Богоевски: „А зошто набавувал Павле на црно кога има наше легално масло“

Тортевски се огласи за случајот Богоевски: „Пајо оставка веднаш, а другото во ОЈО“

Драган Спасов Дац побара оставка од пратеникот Павле Богоевски

Павле Богоевски за аудио-бомбата од Будимпешта: Нарачував масло од канабис, а не кокаин

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Руд-коп“ го доби тендерот на ЕСМ за ископ на јаглен во РЕК Битола вреден 5,5 милиони евра

Никола Осило

Просветниот инспектор Ѓорѓи Илиевски добивал закани: Ме тераа да молчам за аферата на Тетовскиот Универзитет

Никола Осило

Мистерија кој отстранил и уништил 105 гранични столбови, некои високи и до еден метар на грчко-македонската граница

Редакција