еМагазин
Image default
Македонија

Состанок на Извршниот комитет на ВМРО-ДПМНЕ за уставните измени и за натамошното делување

Во седиштето на ВМРО – ДПМНЕ во тек е состанок на Извршниот комитет на кој се расправа за уставните измени и за натамошното делување на партијата.

Генералниот секретар на партијата Игор Јанушев пред состанокот изјави дека е повикана целата пратеничка група. Прашан дали е можно ВМРО-ДПМНЕ да ја напушти работата во Собранието, Јанушев рече дека ќе биде преиспитано нивното идно делување во институциите.

– Ќе ја следиме состојба во текот на денешниот ден, секако и следните денови и врз основа на тоа ќе донесеме одлуки и заклучоци за нашето понатамошно делување и за што благовремено ќе биде информирана целокупната македонска јавност, рече Јанушев.

На новинарско прашање дали имаат најави дека се вршат некакви преговори со дел од нивните пратеници, Јанушев рече дека она што го знаат во моментов е оти се прават обиди на најгруб можен начин да се изигра правото, правната држава и можноста за слободно одлучување на пратениците.

-Тоа го видовме и бевме сведоци и на 19-ти октомври, приказната ни се повторува. Да почекаме, да не подлегнуваме на шпекулации и дезинформации и да видиме како ќе се одвиваат работите во текот на денешниот и следните денови, рече Јанушев.

Собраниската седница за уставните измени, која требаше да продолжи во 12 часот, се уште не е почната.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев пријавил во МВР закана за „куршум во глава“ во коментар на социјалните мрежи по пресот со Хан

Редакција

Кацарска вели дека кај неа нема нарачани пресуди

Редакција

Ахмети: Нема проблеми во функционирањето на владеачката коалиција, со Заев ќе се сретнам утре

Редакција