Денеска, во Големата Сала на Советот на Град Скопје се одржа доделување на наградите за Избор на најуспешни спортистки, спортисти, тренер и спортска екипа на Град Скопје. Прогласувањето беше извршено од Град Скопје во соработка со Сојузот на спортови на Скопје.
За најдобар спортист на Скопје за 2019-та е прогласен Стојанче Стоилов од РК Вардар.
Суфијан Исмаили од боречкиот клуб Лирија е избран за најдобар тренер, додека Бесир Алили е прогласен за најдобар младинец, а тенисерката Александра Симева за најталентиран младинец.
Ракометарот на Вардар, Даинис Криштопанс е добитник на наградата за најдобар странец, кој настапува во екипа од Скопје, а РК Вардар повторно е најдобар клуб во Скопје.
За Сојуз на спортови на Скопје и Град Скопје ова е значаен дел од нивната работа затоа што дополнително го поттикнуваат спортот во главниот град.