Околу илјада струмичани на најразлична возраст денеска учествуваа во трката и донираа за седумгодишната Нина Димитриевска, која треба да замине на операција во САД за која и се потребни 65 илјади евра.
Според организаторот на трката, Здружението „Вера“ од Струмица, граѓаните уште еднаш ја покажале својата хуманост и желба да помогнат.
-Струмичани се познати по својата хуманост, а тоа го потврдија и денес. На трката, во која немаше победник, учествуваа од бебиња па до постари граѓани. Се надевам дека со собраните средства ќе и помогнеме на Нина да се излекува, рече Анче Туфекчиева од Здружението „Вера“ од Струмица.
На целта сите учесници ги дочекуваше малата Нина заедно со родителите и лично им се заблагодаруваше за помошта.
На настанот биле собрани 111.460 денари.
На Нина можете да и помогнете и Вие!
Освен на телефоните на Телеком (143 103) и на ВИП (143 469), можете да донирате и на следниве сметки:
Денарска сметка 530500021369542 Охридска банка
Денарска сметка 300037103306688 Комерцијална банка
Девизна сметка 210501724202015 НЛБ Банка
IBAN CODE MK07210501724202015
SWIFT TUTNMK22
МИА/Фото: Општина Струмица