Градоначалникот на Шуто Оризари, Курто Дудуш доби судска опомена откако денеска на судењето призна дека го нападнал Демир Исмаил на одржувањето на ромскиот бал и изрази жалење за стореното дело.
Против Дудуш има уште една судска постапка, во која Исмаил бара отштета од градоначалникот.
Од ВМРО-ДПМНЕ реагираа што Дудуш за физички напад добил само судска опомена.
„Да потсетиме дека насилникот, градоначалник на Шуто Оризари, Курто Дудуш во неколку наврати напаѓа и тепа граѓани, но тоа не е доволно судот да го осуди за кривично дело, туку само му дава опомени,“ рече Наум Стоилковски, портпарол на ВМРО-ДПМНЕ.
Фото: Фејсбук/Дудуш
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.