Предвременото укинување на мерките за ограничување за движењето, воведени за спречување на ширењето на коронавирусот, може да предизвика „фатално враќање “ на пандемијата, предупреди директорот на Светската здравствена организација (СЗО), Тедрос Аданом Гебрејсус.
-Знам дека некои земји веќе се подготвуваат за излегување од изолацијата. СЗО, како и сите, сакаме да се укинат ограничувањата. Но, предвременото укинување на ограничувањата може да предизвикаат фатално враќање на пандемијата. Враќањето на пандемијата може да биде, исто така, смртоносно колку и неговото ширење, доколку недостасуваат потребните мерки“, додаде тој.
СЗО разговара со заинтересираните земји за подготовка на стратегија за постепено и безбедно излегување од изолацијата и смета дека треба да бидат исполнети шест барања.
Потребно е да се контолора пренесувањето на вирусот, да се обезбеди јавно-здравствена и медицинска поддршка, како и да се минимизира ризикот во изложената средина, како што се здравствените установи за долготрајно лекување.
Исто така, треба да се воведат и превентивни мерки за работното место, во училиштата и на другите посетени места, да се контролира ризикот од внесување на вирусот од странство и конечно на населението да му се довери одговорноста.
-Секој поединец носи дел од својата одговорност во борбата против епидемијата, истакна Тедрос.
МИА
ПОВРЗАНИ ВЕСТИ
Претседателот на МАНУ, Коцарев: Пикот на корона вирусот на почеток на мај со 1.100 заразени
Тројца штипски здравствени работници позитивни на корона вирусот