Парламентот во Тајван донесе одлука за легализација на истополовите бракови. Со ваквата одлука Тајван стана првата земја во Азија која дозволува легална брачна заедница меѓу лица од ист пол.
Ваквата одлука имаше многубројни приговори од конзервативните политичари, а доаѓа откако во 2017 година Уставниот суд пресуди дека истополовите двојки имаат право законски да стапат во брак.
Парламентот доби рок од две години и требаше да ги усвои измените до 24 мај. Пратениците дебатираа за три можни закони, меѓу кои и два понудени од конзервативците.
Тие предлагаа наместо „брак“, терминот да се дефинира како „граѓанска заедница“ или „семејни врски“. Предлозите беа отфрлени, а најпрогресивниот од трите предлози беше усвоен.
Голем број истополови двојки излегоа на улиците да ја прослават одлуката на Парламентот.
Фото: Star observer