еМагазин
Image default
Македонија ТОП СТОРИИ

Талат Џафери не сака нарко-тестови за пратениците: Немало правен основ

Претседателот на Собранието, Талат Џафери, информира дека ја добил и ја разгледал иницијативата од Независната пратеничка група на ВМРО-ДПМНЕ и Коалицијата за подобра Македонија, а која се однесува на барањето за доброволно тестирање на пратениците во Собранието на Република Северна Македонија од наркотици, соопштија од Кабинетот на Џафери.

„Ве информираме дека во Законот за пратеници, во Деловникот за работа на Собранието и во Уставот на Република Северна Македонија, нема правен основ според кој претседателот и Собранието на Република Северна Македонија би можеле да ја реализираат иницијативата на Независната пратеничка група. Условите за кандидирање, за избор и за работа на пратениците во Собранието на Република Северна Македонија се јасно дефинирани и оттука, претседателот на Собранието не може и не смее да постапува надвор од своите законски овластувања“ стои во соопштението.

Според Законот за безбедност и здравје при работа, член 22, став 1, работодавачот мора да обезбеди здравствени прегледи за вработените најмалку на секои 24 месеци.

Пратениците и вработените во Собранието на Република Северна Македонија, како и сите вработени лица во државата, се посочува, одат на редовни годишни систематски прегледи, кои се потврда за нивната здравствена состојба. Последниот се реализирал во 2017 година, а следниот редовен систематски преглед ќе се спроведе во текот на годинава.

„Дополнително, не се точни тврдењата на координаторот на пратеничката група на ВМРО-ДПМНЕ, Никола Мицевски дека претседателот на Собранието може и без формално покрената иницијатива, да утврди одговорност на пратеник.

Согласно Кодексот за етичко однесување на пратениците, член 15, претседателот на Собранието на Република Северна Македонија нема надлежност во постапката за утврдување на сторени лесни и тешки повреди и изрекување на мерки за пратениците“, се наведува во соопштението од Кабинетот на Џафери.

ПОВРЗАНИ ВЕСТИ

„Падна“ иницијатива за понеделнички доброволен нарко-тест за сите пратеници

Собранието и Владата се прогласија за ненадлежни во случајот Павле Богоевски, на ред истражните органи

Твитер „поцрвене“ за случајот Богоевски: „А зошто набавувал Павле на црно кога има наше легално масло“

Павле Богоевски за аудио-бомбата од Будимпешта: Нарачував масло од канабис, а не кокаин

Драган Спасов Дац побара оставка од пратеникот Павле Богоевски

Тортевски се огласи за случајот Богоевски: „Пајо оставка веднаш, а другото во ОЈО“

По признанието на Богоевски: Оставка или амнестија на сите осудени за набавка на масло од канабис

Фото: Собрание

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Жешката моделка со која се сликаше Груевски на забава во Будимпешта стана топ тема во Македонија

Редакција

Бејли: Пратениците од сите партии покажаа храброст и лидерство

Редакција

Хелсиншкиот комитет: Притворот не е неопходна мерка за Моника Ристовска

Редакција