еМагазин
Image default
Македонија

„Таргет-Тврдина“ одложена поради одлучувањето за притворот на Мијалков во Апелација

Јавната седница во Апелацискиот суд во Скопје, на која ќе се одлучува за притворот на поранешниот директор на УБК, Сашо Мијалков го одложи денешното рочиштето за  предметот „Таргет-Тврдина“ на Специјалното јавно обвинителство (СЈО).

Судијката Џенета Бектовиќ ја одложи денешната расправа за 3-ти април, по барање на одбраната која го застапува обвинетиот Мијалков.

Пред Судот денеска требаше да продолжи сведочењето на свиркачот Ѕвонко Костовски, кој требаше да одговара на прашања од адвокатите и обвинетите.

Во предметот „Таргет-Тврдина“ на Специјалното јавно обвинителство обвинети се поранешниот началник на Петтата управа во МВР Горан Грујевски, Никола Бошкоски, поранешната министерка за внатрешни работи Гордана Јанкулоска, поранешниот директорот на УБК Сашо Мијалков, Тони Јакимовски, Владимир Варелов од УБК и уште пет други лица од Управата.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

МИА

ПОВРЗАНИ ВЕСТИ

Апелација на јавна седница ќе одлучува за притворот на Мијалков

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Сведокот на Боки 13, бизнисменот Тодоровиќ не дојде да сведочи за „Рекет“, судењето одложено за утре

Редакција

Национален рекорд: На 100 илјади жители 247,4 заболени од коронавирусот во Куманово

Редакција

Осум новозаболени од Ковид-19 во Куманово, сите од познати кластери

Редакција