САД втор ден по ред бележат трагичен рекорд по смртни случаи – во последните 24 часа, од корона вирусот починале 2.371 лице со што вкупниот број на жртви се искачи на 30.800.
Бројот на заразени надмина 640.000, а речиси 50.000 пациенти оздравеле. Првите случаи на заразата во САД беа пријавени на 29 февруари. За 38 дена, бројот на жртви достигна 10.000, а само девет дена подоцна починаа 30.000 луѓе.
И покрај фактот што бројот на починати и новозаразени лица секојдневно сè уште е голем, во некои делови на Америка епидемијата опаѓа.
Гувернерите на 20 држави во кои има заразени, веруваат дека на 1 мај можат повторно да ја придвижат економијата, датум кој претседателот Доналд Трамп го означи како почеток на отворањето на земјата.
МИА
ПОВРЗАНИ ВЕСТИ
Трамп: САД ќе прекине да ја финансира СЗО поради пропустите за корона вирусот
САД со најголем број смртни случаи од корона вирусот, Италија падна на второто место
(Видео) Редици пред продавниците за оружје во САД, се стравува од немири