Битолска фирма за транспорт и третирање на комунален и медициски отпад „Еко клуб“ ги игнорирала процедурите и доставувала опасен и заразен материјал до депонијата „Дрисла“ за да биде изгорен, објави телевизија „Телма“.
Сопственик на оваа фирма бил локалниот бизнисмен и почесен конзул на Унгарија, Сашо Јанакиевски.
Фирмата „Еко Клуб“, која според процедурата морала да го стерилизира медицинскиот отпад, само го ситнела во обична дробилка и потоа така го испраќала во „Дрисла“. Затоа на отпадот во купиштата смет се најдени игли, шприцеви, шипшенца со крв и други остатоци од медицински отпад.
Градоначалникот на Скопје, Петре Шилегов и главниот инспектор на Град Скопје, Мирослав Богдановски, денеска објавија видеа и фотографии на кои јасно се гледа неодговорното и несовесно постапување со медицински отпад каде што кучиња скитници јадат човечки остатоци и крв што истекува во атмосферската канализација и се влева во реката Вардар.
ПОВРЗАНИ ВЕСТИ
Фото: Дрисла