Јапонскиот премиер Шинзо Абе го предложи за кандидат за Нобелова награда за мир, американскиот претседател Доналд Трамп, поради неговата работа за отпочнување дијалог со Северна Кореја.
Трамп изјави дека заслужува Нобелова награда за мир поради неговата политика кон Сирија и Северна Кореја, но, исто така, жали што веројатно нема да ја добие.
„Му ја дадоа на Обама, тој дури и не знаеше зошто му беше дадена. Тој беше таму околу 15 секунди и веќе му ја доделија Нобеловата награда”. Тој праша: „О, со што сум заслужил?”, напиша Трамп на Твитер и се пожали на својата ситуација.
„Јас веројатно никогаш нема да ја добијам”, додава Трамп.
Трамп тврди дека спасил три милиони животи во сириската провинција Идлиб, што е во рацете на бунтовниците, кога тој предупредил дека Русија, Иран и сириската влада не треба извршат напад врз Идлиб.
Во конкуренција за Нобеловата награда за мир се и македонскиот и грчкиот премиер, Зоран Заев и Алексис Ципрас.