еМагазин
Image default
Свет ТОП СТОРИИ

Тројца научници кои открија нови сознанија за кислородот добитници на Нобеловата награда за медицина

Тројца научници кои откриле како клетките се чувствуваат и се прилагодуваат на нивото на кислород, ја добија овогодишната Нобеловата награда за физиологија или медицина.

Клетките на човековото тело користат кислород за да ја претворат храната во корисна енергија.

Триото – Вилијам Каелин, Сер Питер Ратклиф и Грег Семенза – откриле како клетките се прилагодуваат кога нивото на кислородот паѓа.

Шведската академија соопшти дека нивните „елегантни“ откритија доведуваат до третмани за анемија, па дури и карцином.

– За основната важност на кислородот се знаеше со векови, но како клетките се прилагодуваат на промените во нивото на кислородот долго време беше непознато, се истакнува во објавата.

Нивото на кислород варира во различни делови на телото – особено за време на вежбање.

Сер Питер Ратклиф е базиран во Институтот Френсис Крик во Велика Британија, Вилијам Каелин на Харвард во САД и Грег Семенза на универзитетот Џон Хопкинс во САД.

МИА/Фото: nobelprize.org

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Контакт бизнис“ го доби тендерот за привремени вработувања во Агенцијата за аудио и аудиовизуелни медиумски услуги вреден 253.000 евра

Никола Осило

Бруто надворешниот долг на Македонија достигна 8,4 милијарди евра

Никола Осило

Ден на Републиката – одбележување на двата историски Илиндена

Редакција