еМагазин
Image default
Македонија

Судење за „Тврдина 2“: Црни вреќи со хартија и регистри од третата зграда во МВР запалени на „Брест“

„Црни вреќи полни со хартија и регистри од третата зграда во МВР биле запалени на локацијата „Брест“ која се наоѓа на аеродромот Скопје во воениот дел. Ова денеска на рочиштето за „Тврдина 2“ на Специјалното јавно обвинителство (СЈО) го истакна сведокот Мирче Мицевски, вработен во МВР, кој по наредба на неговиот претпоставен Никола Бошковски, со уште еден колега наполнил цело комбе рено трафик со материјали од подрумот на оперативна техника во МВР.

-Во базата Брест не пречека Ванчо Цветановски кој веќе имаше обезбедено место за палење, оградено со камења, а имаше и ПП апарати, рече Мицевски и додаде дека со нив биле и три жени од „Комисијата“, Александра, Маја и Вале. На прашање на бранителот на Грујоски, адвокатот Петар Василевски, сведокот рече дека не знае што е содржината на тоа што е запалено, но дека е сигурен дека биле хартија и регистри.

Во „Тврдина 2“ првообвинет е екс-началникот на Петтата управа, Горан Грујовски, како и шест вработени во УБК.

На обвинетите во случајот „Тврдина 2“ им се суди за фалсификување службена исправа и за уништување службена документација поврзани со незаконското прислушување.

Документацијата е поврзана со двата система од нелегалното прислушување, кои соред СЈО, биле уништени во текот на 2014 година.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Се уште нема двотретинско мнозинство, седницата за уставните измени одложена за утре

Редакција

(Вознемирувачко видео) Македонски државјанин во Австрија со нож си ја убил сопругата на паркинг пред супермаркет

Редакција

Анализа на Стратфор: Можно насилство и немири пред референдумот за името, но и по него

Редакција