Министерството за здравство информира дека денеска Институтот за јавно здравје регистрирал 16 оздравени пациенти – осум во Скопје, по двајца во Прилеп, Струга и Велес и по еден во Гостивар и Кратово.
Во изминатото деноноќие на Инфективната клиника се примени шест пациенти, од кои четворица се префрлени од ГОБ „8 Септември“, а една пациентка е префрлена од Клиниката за гинекологија.
Во моментов на Инфективна се хоспитализирани вкупно 46 пациенти. На кислородна поддршка се 20, а на механичка вентилација се двајца пациенти.
Во ГОБ „8 Септември“ примени се осум нови пациенти, а вкупно хоспитализирани 23. На респираторна машина се шест пациенти и уште двајца се со потешка клиничка слика.
Во болницата во Битола се хоспитализирани четворица, на домашно лекување се следат уште двајца пациенти.
Во болницата во Штип се хоспитализирани вкупно четворица, нема пациенти кои се следат на домашно лекување.
На ифективните одделенија во Тетово, Велес, Куманово, Охрид и Прилеп се хоспитализирани 48 пациенти позитивни и сомнителни на Ковид-19.
ПОВРЗАНИ ВЕСТИ
Нови 22 случаи на заразени од корона вирусот, најмногу во Скопје
Без симптоми бил еден од новопочинатите од коронавирусот во Македонија