Според информациите од Центарот за јавно здравје во Велес во изминатите 24 часа нема ново регистрирани заболени од Ковид -19, а со тоа во Велес петти ден нема регистрирано ново заболени од 21-ви мај кога беа 127, од кои денеска активни се 40.
Како што информира за МИА, портпаролот на ЈЗУ Општа Болница Велес, д-р Весна Неделковска Николова денеска од Инфективното одделение на болницата е испишан еден оздравен пациент, а на ова одделение денеска има 18 пациенти, сите со позитивен тест на Ковид-19.
Неделковска Николова информира дека една жена на околу 60 години во потешка здравствена состојба од Инфективното одделение на велешката Општа болница денеска е препратена на понатамошно лекување на Инфективната клиника во Скопје.
Од Министерството за здравство денеска информираа дека на Инфективната клиника во Скопје почина пациентка од Велес на 78 годишна возраст хоспитализирана на 14 мај.
МИА/Фото: Општина Велес
ПОВРЗАНИ ВЕСТИ
Во Дебар нема новозаразени со Ковид-19, ама има рестрикција на водата за пиење
Велешанка, тетовчанец и скопјанка починаа од корона вирусот
Убава вест: Регистрирани нови 14 оздравени од корона вирусот, вкупната бројка изнесува 1.453