еМагазин
Image default
Локално

Убава вест за скопјани: Заостанатиот долг од сметките за отпад ќе се наплатува без камата

Жителитe на Град Скопје кои имаат заостанат долг кон ЈП Комунална хигиена-Скопје на заедничката сметка со ЈП Водовод и канализација по основ неплатени сметки за собирање и транспорт на комунален отпад, од 4 до 29 ноември ќе можат да ги платат сметките без камата за задоцнето плаќање.

Како што соопштија од ЈП Коминална хигиена, Управниот одбор на Претпријатието, на својата 32 седница одржана на 1 ноември 2019 година, донеле одлука со која на сите корисници што имаат заостанат долг на заедничка сметка во евиденција на ЈП Водовод и канализација-Скопје, по основ неплатени сметки за собирање и транспортирање комунален отпад (тужен и редовен), им се овозможува истиот да го платат без пресметана камата за задоцнето плаќање, во периодот од 4 до 29 ноември 2019 година.

Можноста за плаќање на заостанатиот долг без пресметана камата се однесува само на физичките лица, колективните и индивидуалните домаќинства.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Откриени 27 килограми марихуана „на пат“ за Грција

Редакција

Исчезна момче од Скопје со здравствени проблеми

Никола Осило

Кршел апарати во казино во Охрид и се степал со обезбедувањето

Никола Осило