Управата за хидрометеоролошки работи (УХМР) информираше дека ветерот што синоќа дувал во Скопје достигнал 100 километри на час.
Ветерот предизвика рушење на фасади, летање на кровови, а имаше откорнати дрвја и бандери за струја.
Во западните и северните делови од државата ветерот бил со брзина над 70 километри. Во текот на ноќта и изутринава претежно во западните делови имало врнежи од дожд, а на планините врнежи од снег каде се формирала снежна покривка и имало појава на снежни наноси.
Денеска се очекува променливо облачно време со повремен дожд особено во западните делови од државата. На планините ќе има врнежи од снег. Ќе дува умерен до засилен западен ветер во западните делови, а долж Повардарието северен и со умерен интензитет. Максималната температура ќе се движи во интервал од 6 до 14 степени.
Во Скопје слично време со максимална температура до 10 степени.
ПОВРЗАНИ ВЕСТИ
(Галерија) Ветерот во Скопје ја однесе фасадата на МЕПСО, оштетени и други објекти од „Скопје 2014„
(Галерија) Силниот ветер синоќа откорна дрвја, сруши бандери, летаа кровови на Партизанска
Фото: Град Скопје