еМагазин
Image default
Свет

Велика Британија осудена поради масовно прислушување разговори

Европскиот суд за човекови права денеска пресуди дека Велика Британија ги прекршила правата на граѓаните со масовното прислушување на нивните телефонски разговори и следење на другите електронски комуникации.

Според Судот, Велика Британија го прекршила правото на заштита на приватноста, кое е загарантирано со Европската конвенција за човекови права.

Процесот го покренаа невладини организации кои реагираа врз основа на откритијата на пребеганиот агент на американската служба НСА, Едвард Сноуден, кој објави детали за масовно прислушување кое го вршат западните безбедносни служби.

Судот смета дека Велика Британија не вовела доволно заштитни механизми, за да се спречи прекумерното следење на телефонските разговори.

За времетраењето на процесот, Велика Британија ги смени своите закони со кои го регулира прислушувањето и воведе дополнителни чекори кои треба да минат пред да се дозволи снимање на нечии разговори.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Прв случај по 200 години: Јапонскиот цар Акихито се повлече во корист на синот

Редакција

Денвер стана првиот град што ги декриминализира халуциногените печурки

Редакција

(Видео) Хаос на улиците по силниот земјотрес во Перу

Никола Осило