Оваа вежба денес е еден од начините како да ја обновиме, односно зајакнеме врската меѓу граѓаните и македонската полиција на ниво на партнерство на соработка се со цел да имаме и побезбеден град и побезбедна држава, меѓутоа и побезбеден регион, изјави министерот за внатрешни работи, Оливер Спасовски, по завршувањето на тактичко -показната вежба на припадниците на македонската полиција што се одржа во Дебар
“Оваа вежба ја направивме како дел од активностите во рамки на активностите по повод 7-ми мај на Денот на полицијата, и токму затоа сакавме да биде овде во Дебар, да се претставиме пред граѓаните потикнувајќи ги сите заедно да соработуваме, но и да ги поттикнеме сите младите луѓе кои што сакаат да бидат дел од македонската полиција од овој регион“, нагласи Спасовски.
На вежбата граѓаните покрај другото имаа можност да видат и дел од техничките потенцијали на полицијата, учествуваа припадници на Единиците за специјални задачи и за брзо распоредување, потоа припадници од Единицата за службени кучиња, од Одделот за воздухопловни единици при МВР, како и припадници на Единицата за мотоексортно обезбедување.
Фото/Видео:МВР