еМагазин
Image default
Балкан

(ВИДЕО) Фатен моментот како паѓа карпа на Навагио на Закинтос, една од најпознатите плажи во светот

Вкупно седум лица се полесно повредени по лизгањето на земјиштето на плажата „Навагио“ на грчкиот остров Закинтос.

Сите повредени биле пренесени во Општата болница на островот, три лица се пуштени, додека пак едно четиричлено семејство од Чешка е задржано на лекување.

34-годишна жена се здобила со повреди на ‘рбетот, додека пак нејзиниот сопруг и двете деца имаат полесни повреди и се превентивно хоспитализирани.

13-09-2018 κατολίσθηση ναυάγιο !!!!!

Posted by Leonidas Malioufas on Четврток, 13 септември 2018

Како што јави дописничката на МИА од Атина, според грчката крајбрежна служба кусо по 13 часот заврши процесот на пребројување на туристите кои што со бродовите стигнале на плажата и било констатирано дека нема исчезнати лица, додека пак плажата превентивно беше евакуирана и е забранет пристапот за бродови и чамци.

Во акцијата за спасување и пронаоѓање на евентуално исчезнати лица на популарната плажа на Закинтос, учествува пожарникари заедно со куче за спасување.

Како што претходно објави МИА, претпладнево на популарната плажа „Навагио“ на грчкиот остров Закинтос, од засега непознати причини почнале да паѓаат карпи од голема височина, предизвикале силни бранови кои ги превртеле чамците и бродовите што во тој момент се наоѓале во близина на плажата.

– Се слушна врева и падна мал дел од карпа, потоа втор поголем дел и трет дел што создаде вител во морето што ги преврти чамците, вели за грчката новинска агенција АНА-МПА, очевидец, член на екипажот на еден брод.

МИА/Видео: Фејсбук/Leonidas Malioufas

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Продолжуваме со промената“ победи на изборите во Бугарија: 7 партии влегуваат во Парламентот, ќе има втор круг за претседател

Редакција

Слави Трифонов порача дека партијата на Борисов треба „да исчезне од бугарскиот политички живот“

Редакција

Нова демократија нема да го ратификува Договорот од Преспа кога ќе дојде на власт

Редакција