еМагазин
Image default
Свет

(ВИДЕО) Како изгледа личниот, блиндиран воз на Ким Џонг Ун, кој Северна Кореја го добила од Сталин

Севернокорејскиот лидер Ким Џонг Ун користи свој личен оклопен воз за патувања во други земји.

Возот го наследил од татко му, кој со него патувал во Кина и Виетнам.

Ким со овој воз допатува во Владивосток на средба со рускиот претседател Владимир Путин.

Оклопниот воз на Северна Кореја и го поклони Сталин. Локомотивата и вагоните неколку пати се модернизирани во последните децении, а композицијата ја сочинуваат 10 до 17 оклопни вагони.

Надворешно возот изгледа многу скромно, меѓутоа внатре е „вистински дворец на шини“. Вагоните се многу различни – има ресторан, кујна и таканаречен економски вагон кој лидерот на Северна Кореја го користи за советување за време на патувањето. Предвидени се и посебни вагони за телохранителите и персоналот.

Секој вагон е непробоен и во него се искористени специјални материјали за криење од шпиони. Во возот има средства за заштита од термо, звучни и радарски шпионски уреди. Сите канали за комуникација во возот се кодирани неколку пати заради заштита од прислушување.

Патничкиот вагон тежи околу 60 тони, а вагонот на лидерот е тежок околу 80 тони.

Возот поседува систем за целосна херметизација и принудна вентилација. Тие средства треба да му овозможат на лидерот да преживее во случај на нуклеарен, хемиски или бактериолошки напад.

МИА/Видео: Guardian News/CNN

ПОВРЗАНИ ВЕСТИ

(ВИДЕО) Како помина првата средба на Путин со лидерот на Северна Кореја, Ким Џонг-Ун

(Видео) Ким Јонг Ун го изненади светот со нов стајлинг на средбата со Путин

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Трамп и се закани на Европа со „царини од пеколот“

Никола Осило

Во поплавите во Индија загинаа повеќе од 160 луѓе

Редакција

(Видео) Згрозувачки сцени од Франција: Како полицијата се справува со лице во инвалидска количка

Никола Осило