еМагазин
Image default
Свет ТОП СТОРИИ

(Видео) Катаклизма во Австралија: Бури со град како орев, поплави, пожари и суша

Силна бура проследена со град денеска погодија делови од Австралија, вклучувајќи и многу делови погодени со пожари, додека пожарите и натаму се шират во источните и јужните делови од континентот погодени со суша.

Австралискиот метеоролошки завод издаде предупредување за „силни бури“ проследени со бурни ветрови и силни дождови во голем дел од Нов Јужен Велс, јужен Квинсленед и многу подрачја на државата Викторија. Постои, исто така, ризик од поплави, се наведува во предупредувањето од Заводот.

Австралиската престолнина Канбера, исто така, денеска се најде на удар на силните ветрови и громови проследени со поголеми парчиња мраз, што за само 15 попладневни минути (по локално време) „протатнеа“ низ градот.

Дождот од минатата недела врне во три сојузни држави опустошени од пожарите, донесувајќи извесно олеснување за преморените пожарникари кои од септември се борат со пожарите во Австралија.

Во Квинсленд во текот на викендот многу патишта беа затворени заради поплави. Град со големина на тениско топче синоќа го погоди Мелбурн, уништувајќи автомобили и имот, а беа упатени над 1.500 повици за помош до интервентните служби.

На социјаланите мрежи се споделуваат видеа и фотографии од силната песочна бура што во неделата вечерта го погоди Нов Јужен Велс, што во градот Дубо достигна бризина од 100 километри на час.

Во меѓувреме, властите продолжуваат да издаваат предупредувања за пожарите што беснеат во многу делови од источна Австралија. Во Нов Јужен Велс и натаму има 68 активни пожари, додека 27 во државата Викторија.

Во австралиската катаклизма од септември до сега погинаа 29 лица, а изгорени се повеќе од 12 милиони хектари земја.

МИА/Видео/фото: Youtube/Gardian/Axios

ПОВРЗАНИ ВЕСТИ

(Фото) Конечно убава вест од Австралија: Со хеликоптери се истура храна за дивите животни

Талевска од Мелбурн за пожарите: Terra Australis (Непознатата земја) чекори кон непознатото

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Македонското знаме кренато пред седиштето на НАТО во Брисел

Редакција

Грчки борбени авиони ќе го чуваат македонското небо

Никола Осило

Министерството за здравство без тендер склучи милионски договор со „Феникс фарма“ за набавка на инсулин

Никола Осило