еМагазин
Image default
Балкан

(ВИДЕО) По земјотресите во Албанија: Само во Тирана и Драч оштетени околу 500 објекти

На средбата во Министерството за одбрана со првите луѓе на најпогодените градови, Тирана и Драч, изнесени се последните податоци за последиците од земјотресот што ја погоди Албанија.

Министерката Олта Џачка, посочи дека главно регистрирана е само материјална штета.

– За среќа немаше жртви. Застрашувачки и небезбеден момент. Ќе дадеме се од себе за да ги сместиме погодените. Ќе направиме добра работа сите ние за подобро информирање и со цел да не ја пропуштиме потребната грижа. Што побрзо ќе формираме групи за проценка за да се обезбеди секој дека ќе биде обесштетен, рече Џачка.

Префектот на Тирана Сузана Јахолари информираше за сите преземени активности, формирање центри за сместување, поставување шатори, распределба на ќебиња, вода и потребна здравствена услуга.

– Моментално се работи на терен во евидентирање на оштетените објекти. Оштетени се 244 куќи и 20 станбени згради. Евидентирањето продолжува, рече Јахолари.

Според нејзиниот колега од Драч, Роланд Насто до сега како оштетени се регистрирани 188 куќи, 9 станбени згради и две училишта. Од 56 лица кои побарале лекарска помош 21 биле со скршеници.

Премиерот Еди Рама откако упати критики до Насто за лошото менаџирање на ситуацијата, му наложи да ги отвори вратите на градскиот стадион за да може да се постават шатори и да се сместат дел од жителите. Владата веќе отвори неколку пунктови во двата града на кои се дели храна, вода и друга помош на најзагрозените.

Министерството за образование и наука соопшти дека утре наставата продолжува нормално, бидејќи не се регистрирани поголеми оштетувања врз училишните објекти.

МИА/Фото/видео:euronews (in Italiano)

ПОВРЗАНИ ВЕСТИ

(ВИДЕО) Вознемирувачки снимки од моментите на земјотресите во Албанија

(ВИДЕО) Оштетени згради и куќи во Драч и Тирана по земјотресите во Албанија, жртви нема

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Во криминална пресметка во Атина убиени шест лица

Редакција

Грција не планира затворање на границите или забрана за влез од одредени земји

Редакција

Смртта на осуммината млади кои се загушија во викендичка во БиХ го потресе Балканот

Редакција