Поранешниот македонски премиер и претседател, Бранко Црвенковски, првпат откако е поранешен претседател на Македонија се појави во јавност на политички настан, пренесе порталот Ако.мк.
Тој е дел од новоформираниот Подгорички клуб, во кој членуваат поранешни премиери и претседатели од регионот.
Овој клуб е формиран за да понуди визија за Западен Балкан, како заедничка стратегија за интеграција во ЕУ.
Основачи на клубот се поранешните претседатели на Црна Гора, Македонија и Словенија, Филип Вујановиќ, Бранко Црвенковски и Данило Тирк, поранешниот претседавачки член на Босна и Херцеговина, Златко Лугумџија, како и поранешните премиери на Хрватска и на Србија, Јадранка Косор и Мирко Цветковиќ.
Членови на Подгоричкиот клуб се и поранешните функционери, претседатели на држави, премиери и претседатели на Собрание, Милан Кучан, Хари Костов, Наташа Мичиќ, Алфред Мојсиу, Фатмир Сејдиуи и Игор Лукшиќ.
Фото/видео: Vijesti Online