Во изминатите 24 часа потврдени се 7 нови случаи на Ковид-19, информираат од Министерството за здравство.
По градови: Куманово- 2, Тетово- 3 и Кочани- 2.
„Бидејќи во вчерашниот извештај на Институтот за јавно здравје (ИЈЗ) е двојно евидентиран еден контролен тест на пациент од Кочани, денеска е направена исправка со што вкупната бројка на дијагностицирани пациенти со Ковид-19 во нашата земја изнесува 1.231“, велат од Министерството.
Последната дистрибуција по градови е: Скопје – 411, Куманово – 340, Дебар – 51, Штип-34, Прилеп –117, Тетово – 60, Струга – 55, Велес – 59, Битола –17, Охрид –15, Кавадарци – 4, Гостивар –13, Гевгелија – 4, Струмица – 2, Крива Паланка-4, Радовиш – 4, Крушево – 3, Кочани – 28, Пробиштип – 2, Кичево – 2, Неготино -2, Демир Хисар – 1, Македонски Брод -2, Пехчево- 1.
“Во изминатото деноноќие направени се 207 теста. Преку ИЈЗ –201, преку Ветеринарен ф-тет -0, Авицена –0, Биотек –0, Филип Втори (Жан Митрев) –6 и Систина со PCR метода -0.
Досега во земјата се направени вкупно 12.340 тестирања на Ковид -19.
На Клиниката за инфективни болести и фебрилни состојби се хоспитализирани вкупно 60 пациенти. Од нив 18 се на кислородна поддршка, а 4 се на механичка вентилација.
Во ГОБ „8 септември“ се хоспитализирани 45 пациенти. Со потешка клиничка слика се 7 пациенти, а 5 пациенти се на респираторна машина.
Во Битола се хоспитализирани вкупно 13, а на домашно лекување се следат 15 пациенти. Во болницата во Штип, на болничко лекување се 4 пациенти, а на домашно лекување се следат уште 19 пациенти“, велат од Министерството.
ПОВРЗАНИ ВЕСТИ
Убава вест: 224 излекувани од коронавирусот во Македонија, нов раст
Од коронавирусот почина маж од Лабуништа на 70 годишна возраст