Вкупно 570: Нови 15 лица заболени со коронавирусот во Македонија

Министерот за здравство, Венко Филипче на денешната прес конференција информираше дека во Македонија во изминатите 24 часа се регистрирани 15 нови случаи на пациенти со коронавирусот.

Четири се во Скопје, осум во Куманово и по еден во Тетово, Струга и Штип.

Со тоа вкупниот број на заболени со вирусот достигна 570.

По градови моментално заболени со вирусот има од Скопје, Куманово, Дебар, Штип, Прилеп, Тетово, Струга, Велес, Битола, Охрид, Кавадарци, Гостивар, Гевгелија, Струмица, Крива Паланка, Радовиш, Крушево и во Кочани.

Новодијагностицираните се потврдени од направени вкупно 202 тестови, а просекот во изминатиот период на ден изнесува 350.

Намалениот број, рече Филипче, се должи на тоа што во недела се намалени капацитетите во однос на дежурства и луѓето што работат во лаборатории, а од денес продолжува истиот просек на направени тестови.

ПОВРЗАНИ ВЕСТИ

18 деца во Македонија до деветгодишна возраст се заболени од корона вирусот

Епидемиологот Микиќ: Постојат индиции дека можеби БСЖ-то создава отпорност на корона вирусот кај некои лица

Вкупно 22: Нови 3 лица починаа од коронавирусот

Инфектологот Микиќ: Смртноста од корона вирусот е под 4%, но мора следниот период да го заштитиме системот