Според извори од Владата, ниту една земја – членка на ЕУ не изразила сомнеж дека државата ги исполнила сите задачи за да добие датум за почеток на преговорите.
Холандија изразила очекување да се донесе Законот за јавно обвинителство, но без негативен став и со согласност за почеток на преговорите годинава.
Најмногу за нас се „бореле“ Грција, Австрија, Словенија, Словачка, Луксембург, Унгарија, Романија, Малта, балтичките држави и комесарот за проширување, Јоханес Хан.
Бугарија била крајно позитивна, Франција воздржана со барање на повеќе време за одлука за двете држави.
На крајот, заклучокот е донесен со консензус, сите се ЗА позитивна одлука во октомври и почеток на преговорите до крајот на годината.
Сите држави се согласиле да го дополнат заклучокот со посебно признание за Договорот од Преспа и за Договорот за добрососедство со Бугарија и ги поздравиле и потврдиле резултатите од реформите.
Сите се обврзале да се донесе јасна и суштинска одлука во октомври.
МИА
ПОВРЗАНИ ВЕСТИ
Може ли до октомври и Грција да стане проблем за старт на преговори со ЕУ?
Зошто Кипар се заканува со вето за старт на преговорите на Македонија и Албанија со ЕУ?