еМагазин
Image default
Бизнис

Владата не даде дозвола за рудникот „Иловица“

„Еуромакс Рисорсис“ ДОО Скопје не ги исполнува условите за експлоатација на „Иловица“, поради што ќе и биде одбиено барањето за добивање дозвола, соопшти Владата.

По истекот на задолжителниот рок за жалба од 15 дена, Владата ќе може да донесе и конечна одлука за едностран раскин на Договорот за концесија со „Еуромакс Рисорсис“.

Одлуката за неисполнување на условите, денеска на владина седница ја соопшти и образложи Министерството за економија.

-Министерството за економија на денешната седница на Владата информираше дека се исполнети законските услови за донесување решение за одбивање на барањето за издавање дозвола за експлоатација на минерална суровина – бакар и злато на локалитетот „Иловица“, општина Босилово на Еуромакс Рисорсис ДОО Скопје.

Во информацијата што денеска ја презентираше Министерството за економија, утврдено е дека компанијата не ги доставила сите потребни документи кои се бараат согласно Законот за минерални суровини за добивање дозвола за експлоатација, наведува владината прес-служба.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нова Листа на должници на УЈП: Проверете дали сте на неа

Редакција

„Макпетрол“ оствари добивка од 9,4 милиони евра за девет месеци

Никола Осило

„Изофас“ го доби тендерот на општина Прилеп за реконструкција на стадионот „Гоце Делчев“ вреден 436.000 евра

Никола Осило