Владата не планира нова амнестија и нема договор со опозицијата за проширување на опсегот на амнестирање на лицата кои сториле кривични дела преку измени во Кривичниот законик, изјавија од Владата пред неколку дена на гласините во јавност дека амнестија ќе добијат и лица обвинети од „бомбите“ во случаите на Специјалното јавно обвинителство (СЈО).
Со ваквата изјава Владата изврши голема манипулација врз македонските граѓани, бидејќи оттаму не кажаа дека во истиот закон во член 279-а се предвидува: “Тој што со намера за себе или за друг да стекне противправна имотна корист, на даночниот орган ќе му даде лажни податоци во даночната пријава, со што ќе го доведе во заблуда даночниот орган, со цел неоснованo да побара враќање на данок или намалување на обврска за данок, од поголема вредност, ќе се казни со затвор од шест месеци до три години и со парична казна“.
Според анализи од правници, измените на член 279-a од Кривичен законик директно влијаат на дела чиј опис одговара на криминалите од предметот „Тотал“ и многу други предмети на СЈО.
Со измените, бидејќи за тоа дело е предвидена казна од 3 години, ќе застари на 6 години откако било сторено.
На тој начин, на мала врата власта ја проширува амнестијата и на случаите на СЈО, иако само пред неколку дена излезе со став дека нема проширување на опсегот на амнестијата.
ПОВРЗАНИ ВЕСТИ
Ќе се спасат ли од затвор Канческа, Авировиќ, Кочан: На Комисија експресно поминаа измените на КЗ