Членот на Извршниот комитет (ИК) на ВМРО-ДПМНЕ, Трајко Славески, кој ја предводи Комисијата за изработка и систематизација на идеи и предлози за програма на партијата, синоќа пред почетокот на состанокот на ИК, најави дека се подготвуваат за избори.
Тој рече дека уставните измени се апсолвирани и дека пратениците на ВМРО-ДПМНЕ нема да ги гласаат истите.
Славески пред седницата рече дека во партијата ќе разговараат за вонредни парламентарни избори и за термините за нивното одржување: 25 ноември, 2 декември, 9 декември или на пролет.
„Првото прашање е подготовка на партиската инфраструктура, кое е почнато. Второто е подготовка на иновативната програма со која ВМРО-ДПМНЕ ќе настапи на вонредните парламентарни избори, макар тие да се одржат за месец и пол од овој момент. Ние сме во завршна фаза на подготовката на програмата. Има многу новини, проритет повторно е економскиот раст, мерки за подобрување на животниот стандард на граѓаните, изјави поранешниот министер за финансии, Славески.
ПОВРЗАНИ ВЕСТИ
Има ли исклучувања: Кои се членовите на Извршниот комитет на ВМРО-ДПМНЕ