еМагазин
Image default
Македонија

ВМРО-ДПМНЕ за потпишувањето на пристапниот Протокол за НАТО: Ова е важен ден за државата

ВМРО-ДПМНЕ го поздравува потпишувањето на пристапниот протокол за НАТО за Република Македонија.

„Ова е важен ден за Република Македонија и денес се завршува една неправда нанесена на државата од пред повеќе од 10 години. Влезот на Република Македонија во НАТО е долго очекуван и заслужен уште од 2008-тата година.

Република Македонија уште на самитот во Букурешт ги имаше исполнето сите реформи и услови за полноправно членство, но за жал тогаш беше спречена да стане членка само поради противењето на Република Грција и нејзиниот проблем со нашето уставно име и идентитет, кои сега на штета на граѓаните и државата на непринципиелен начин беа сменети по нивна мера“, изјави портпаролот на ВМРО-ДПМНЕ, Димче Арсовски.

Од партијата велат дека секој успех за Република Македонија и секој чекор напред за државата и граѓаните е причина за поздравување на истиот.

„НАТО е наша стратешка определба на ВМРО-ДПМНЕ и процесот за исполнување на условите е во голема мера заслуга на Владата на ВМРО-ДПМНЕ изминатите години која континуирано инвестираше во армијата и нејзините капацитети, преку многубројните учества во мисии и тоа не може да го негира никој.

На штета на граѓаните, останува чувство на горчина и понижување длабоко кај сите нас, од една болна причина што власта не се ни обиде да најде подобро решение на проблемот со името кое ќе биде балансирано и кое нема да ги погази сите македонски црвени линии, како што е случајот сега, односно решение кое нема да биде безусловно прифаќање на сите грчки уцени на недостоинствен и понижувачки начин за Република Македонија и граѓаните“, изјави Арсовски.

Заев и Владата, според него, тргуваа со идентитетот, јазикот и традицијата, нешта кои ни се оставени од претходните генерации и кои се темел на државниот и националниот карактер на Република Македонија.

„Зоран Заев и оваа ненародна и насилна власт се тие кои ја свиткаа кичмата на македонскиот народ и тоа ќе остане длабоко запечатено во колективната историја на македонскиот народ. Власта која веќе две години владее во Република Македонија, нема ниту еден успех, единствено бележи само неуспеси на сите полиња.

Сепак на крајот на денот и после овој ден од потпишувањето на протоколот за влез во НАТО, кој како што реков е многу важен ден за граѓаните, животот на граѓаните нема да стане преку ноќ подобар.

И понатаму ќе продолжат да цветаат корупцијата и криминалот, економијата и понатаму ќе продолжи да тоне, граѓаните понатака ќе бидат се посиромашни, пациентите и понатака за жал ќе умираат се повеќе и повеќе по болниците, бидејќи не се грижат за здравството, безбедноста и понатака ќе биде под секакво ниво“, додаде Арсовски.

ПОВРЗАНИ ВЕСТИ

„Влеговме во НАТО, сега уште во 21 век да влеземе и ок сме„: Твитер се „загреа“

Груевски на Фејсбук: „Прво влез во НАТО и ЕУ, а потоа корекција на штетата„

Грчките медиуми почнаа да го користат името Северна Македонија: Реакции за потпишаниот Протокол за НАТО

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев ќе побара разрешување на Пауновски поради одбивањето да прифати дел од рамковните вработени

Редакција

Уште 26 лица починаа од Ковид-19, две на 35-годишна возраст

Редакција

Струмица: Младите ги заразуваат постарите, денеска рекорден број на инфицирани со Ковид-19

Редакција