Седум лица загинаа, додека 27 се повредени во два стравични верижни судири кои се случија на автопатот Белград – Ниш, пред неколку дена, а причината најверојатно е густата магла која ја намали видливоста на автопатот.
Во сообраќајката, помеѓу загинатите беа и двајца државјани на Македонија.
Очевидци на несреќата за српските медиуми велат дека била како од страшни сцени во филмовите, а сведочат и дека во автомобилот со македонски регистарски таблички било заглавено девојче, кое ја довикувало мајка и.
„Детето со часови беше заглавено во каросеријата на автомобилот. Врескаше и викаше за помош, додека на предните седишта нејзините роднини, со кои патувала, веќе биле мртви. Спасувачите едвај и пристапија, а кога дојдоа до неа, не беше при свест. Лекарите едвај успеаја да ја смират и тоа со седативи„, раскажува очевидец за српски „Курир“.
ПОВРЗАНИ ВЕСТИ
Видео од стравичната сообраќајка во Србија во која загинаа и двајца македонски државјани
Фото: www.wkfirm.com