еМагазин
Image default
Македонија ТОП СТОРИИ

Во Белгија уапсен македонскиот фудбалски агент Драган Сиљаноски, како дел од скандалот со наместените натпревари

Драган Сиљаноски, агент на хрватскиот тренер Иван Леко од белгискиот клуб Бриж, е уапсен за перење пари и корупција во скандалот со наместените фудбалски натпревари.

Иван Леко, пред два дена, исто така, беше однесен на распит, но против него не беше издаден налог за апсење.

Информацијата за апсењето на Сиљаноски утринава беше потврдена од белгиското федерално обвинителство.

Сиљаноски (44) е поранешен македонски фудбалер, кој во текот на кариерата играл за белгискиот клуб Антверп. Во оваа полициско-обвинителска операција, исто така, се уапсени и Моги Бајат и Дејан Вељковиќ. Вељковиќ по потекло е од Србија и според белгиските медиуми е поврзан со повеќе белгиски клубови од Првата „Жупилер“ лига, каде сместил голем број фудбалери и тренери.

Првиот дел од оваа огромна судска истрага за корупција во фудбалот е фокусирана токму на Вељковиќ, кој е осомничен за трансфери на играчи од кои задржувал значајни провизии за себе и за играчите кои ги застапувал. Фондовите транзитирале преку судски ентитети во Србија, Црна Гора и Кипар, објаснија обвинителите.

Од друг дел на истрагата излегува дека Вељковиќ во договор со четири членови на административниот одбор на клубот „Малин“ влијаел врз резултатите на два натпревари, што веројатно вклучува договор со судијата Барт Вертентен.

Покрај тоа, има индиции дека бил воспоставен контакт со двајца новинари за да се влијае врз медиумската покриеност на перформансите на судијата Вертентен.

Овој скандал ја тресе белгиската јавност веќе втор ден. Во средата беше обелоденото дека широка европска истрага утврдила корупција, перење пари и обид за местење натпревари во 1А лигата во Белгија. Истрагата вклучува повеќе европски земји вклучително и Македонија.

МИА

ПОВРЗАНИ ВЕСТИ

Македонци инволвирани во наместени фудбалски натпревари во Белгија

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Дескоска очекува Унгарија да ги почитува европските конвенции за екстрадицијата на Груевски

Редакција

Изборниот законик прв чекор, втор чекор промена на цензусот за успешност на референдумот?

Никола Осило

Вооружена престрелка на Рузвелтова во Скопје: Едно лице загина, има и повредени

Редакција