Сезоната што следува во пределот на Боговиње годинава ќе има скијање по оф-роуд патеки. Индивидуалци и групи, вљубеници на слободното скијање ќе бидат носени од страна на туристичка фирма powderproject.ch од Швајцарија, чија специјалност се зимските спортови на атрактивни туристички дестинации во соработка со SharOutdoors чиј претставник е Методи Чилиманов.
Овие тури се за сите авантуристи и скијачи по оф-роуд патеки, оние кои сакаат да ја доживеат културата, вкусат локалните гастрономски специјалитети и да се соживеат со локалците кои ќе им го пренесат уникатното искутвото од Балканот, и сето тоа со високи стандарди на безбедност.
„После години турнашење, планинарење и сонување за некои од линиите на Џинибег, Трапезица, Бориславец, изворите на Пена, Кривошија оваа година ќе си се сместиме во ловечката куќа во Боговиње и ќе ја поминеме зимата во овој фантастичен предел“, напиша Чилиманов на неговиот фејсбук-профил.
фото: Фејсбук-профил на Методи Чилиманов