еМагазин
Image default
ЖИВОТ ТОП СТОРИИ

Во несреќата загина цело семејство: Продолжува акцијата да се дојде до урнатиот авион на Солунска глава

Екипи на МВР и на другите надлежни институции денеска ја продолжуваат акцијата да стигнат до остатоците од авионот Цесна кој вчера попладне се урна кај Солунска Глава при што загинаа четири лица државјани на Бугарија.

Акцијата беше прекината синоќа поради лошите временски услови и непристапниот терен.

-Авионот Цесна за кој во 16:16 часот од М-НАВ беше пријавено дека се изгубил од радар, а полетал од Охрид за Софија од припадници на МВР е лоциран нешто по 19 часот на околу пет километри северозападно од Солунска глава, информира синоќа на прес-конференција портпаролот на МВР Тони Ангеловски.

Тој посочи дека од Охрид полетале четири лица, државјани на Република Бугарија, меѓу кои и едно малолетно лице.

Лоцирани се преку воздушен простор, но временските услови на локацијата биле лоши, па и покрај сите обиди да се пристапи до авионот, тоа синоќа било невозможно поради непристапниот терен.

Загинатите лица се родени  2000, 2005, 1970 и 1972 година. Медиумите во Бугарија објавија дека загинатите се Георги Бошнаков, неговата сопруга Калина и двете ќерки.

МИА

ПОВРЗАНИ ВЕСТИ

Се урна авион Цесна кај Солунска Глава, загинати сите четворица патници – бугарски државјани

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Винер“ го доби тендерот за осигурување на воздухопловите на Дирекцијата за заштита и спасување вреден 177.000 евра

Никола Осило

Има само кредит: Каков имот пријавила обвинителката од СЈО, Лиле Стефанова која сведочеше за „Рекет“

Редакција

Македонскиот планинар Стоицев успеа да ја искачи Аконкагва со оштетен вид, и стана втор во светот во тој подвиг

Редакција