Во Апелацискиот суд Скопје во понеделник ќе се одржат две јавни седници за притворите на поранешниот министер за транспорт и врски Миле Јанакиески и поранешниот генерален секретар на Владата, Кирил Божиновски.
Јанакиески е обвинет во неколку случаи на Специјалното јавно обвинителство (СЈО), а Божиновски, како поранешен генерален секретар на ВМРО-ДПМНЕ, е обвинет во случајот „Титаник”.
Двајцата се во притвор по бегството на поранешниот премиер Никола Груевски во Унгарија.
Обвинителката на СЈО, Лиле Стефанова изјави дека притвор за Јанакиески и Божиновски е побаран, бидејќи СЈО имало информации дека и тие двајца планирале да побегнат исто како и Груевски.
Одбраната на Јанакиески и Божиновски на ваквата мерка поднесе жалби до Апелацискиот суд.
МИА
ПОВРЗАНИ ВЕСТИ
СЈО: Груевски и Божиновски му овозможиле на „Бетон“ бесправно да го изгради седиштето на партијата
СЈО: Имавме сознанија за опасност од бегство на Јанакиески и Божиновски уште на 2 јули 2017
Груевски ги остави на цедило Јанакиески, Божиновски, Јанкулоска…