Во Прилеп денеска се регистрирани седум нови случаи на лица заболени од Ковид-19 и по еден случај во општините Долнени и Кривогаштани, соопштуваат од прилепската локална самоуправа.
Двајцата заболени од општините Долнени и Кривогаштани, се жители на населените места Заполжани и Боротино.
На Инфективното одделение во прилепската болница „Борка Талески“ моментално се хоспитализирани 19 лица позитивни на коронавирусот. Двајца од нив се на кислородна поддршка, а другите се со стабилна клиничка слика.
Четири пациенти се сомнителни на коронавирусот, земен им е брис и се чекаат резултати. Во самоизолација се наоѓаат 334 лица.
Со седумте новозаболени лица, во Прилеп вкупно се регистрирани 124 лица, а досега починаа три лица. Локалните власти вчера информираа дека излекувани се седум лица.
Инаку, во текот на изминатото деноноќие, три лица не го почитувале полицискиот час и ќе им биде поднесена соодветна пријава.
МИА/Фото: Општина Прилеп
ПОВРЗАНИ ВЕСТИ
426 од заразените со коронавирусот во Македонија без симптоми
Коронавирусот регистриран во 24 градови во Македонија, детален преглед
(Графикон) До 19 години се 101 лица од заболените со коронавирусот во Македонија