еМагазин
Image default
Балкан

Во Суд во Лондон поднесени тужби против СПЦ за педофилија

До Вишиот суд во Лондон се поднесени шест тужби против Српската православна црква (СПЦ) поради педофилија, кои се однесуваат на скандалот поврзан со пензионираниот епископ зворничко-тузлански Василије Качавенда.

Како што јави Танјуг, во тужбите, што ги поднеле шест жртви на сексуалното насилство, се посочува дека за овој „деликт не е одговорен сторителот лично, туку СПЦ како организација“.

Адвокатот на тужителите, Младен Кесар, во изјава за Радио Слободна Европа, наведува дека сега тужената страна треба да одговори на тужбите, по што Судот ќе реши како ќе се води процесот.

Историчарот и поранешен координатор на Меѓурелигискиот совет на српската Влада. Александар Раковиќ во изјава за Танјуг вели дека не гледа логика да се тужи една институција „која и самата остро ја осудува педофилијата, а да не се бара индивидуална одговорност“.

Досега ниту еден владика на СПЦ осомничен за педофилија, не беше судски прогласен за виновен по обвиненијата.

Епископот врањски Пахомије Гачиќ во 2006 година беше ослободен од обвинението за сексуална злоупотреба на четири момчиња поради недостиг на докази, додека епископот Качавенда беше пензиниран поради вмешаност во „подведување малолетници“, но случајот не доби судска завршница.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Француската ревија за вино со осврт кон „македонски“ и „Македонија“ како географска ознака за производите

Редакција

70 Срби се смрзнувале во Чешка чекајќи го: Македонец ги измамил за работа, им ги земал парите и исчезнал

Редакција

(Видео) Путин во Белград со новиот автомобил, „бункер на тркала“

Редакција