Министерот за здравство, Венко Филипче на денешната прес-конференција рече дека во сите земји каде БСЖ вакцината е задолжителна има поинакви криви за разлика од други земји каде оваа вакцина не е во нивниот вакцинален календар.
Но тој додаде дека се уште е рано да се извлече целокупен заклучок за досегашното искуство за справување на земјата со пандемијата и влијанието на оваа вакцина.
Неодамна и епидемиологот Владимир Микиќ од Институтот за јавно здравје рече дека постојат претпоставки дека лицата кои што ја примиле БСЖ вакцината се поотпорни на корона вирусот
Тој додаде дека посебно во нашиот регион, односно на Балканот и нашата држава, се уште се дава доза од оваа вакцина.
-Претпоставката е дека како имуномодулатор оваа вакцина можеби делува на зголемување на отпорноста на новиот вирус Ковид-19, сепак, се уште се работи за рана фаза од овие испитувања за да се донесе конкретен заклучок или пак да се препорача како мерка за масовна употреба, истакна Микиќ.
Тој информираше дека постојат индиции дека можеби БСЖ-то создава отпорност на Ковид 19 кај некои лица, како што е и со третманите коишто се користат и оти стручната јавност и епидемиолозите ги следат сите препораки.
ПОВРЗАНИ ВЕСТИ
Првичната проценка за пик од 2.500 заразени со корона вирусот, се намали на 1.700
Филипче за 1.Мај: Предлогот е од четврток навечер до понеделник наутро да има полициски час