еМагазин
Image default
Македонија ТОП СТОРИИ

Вонреден инспекциски надзор покажал дека сите МРП вакцини имаат важечки рок и се целосно безбедни

Министерството за здравство соопшти дека вонредниот инспекциски надзор кој во изминатите два дена го извршила комисијата формирана по барање на ресорниот министер Венко Филипче покажала дека сите МРП вакцини со кои се имунизираат децата се со важечки рок и се целосно безбедни.

При надзорот, како што се посочува, била извршена контрола во повеќе вакцинални пунктови и биле детално исконтролирани фабричките рокови втиснати на сите кутии и на внатрешните пакувања од страна на производителот.

Утврдено било дека сите вакцини се со важност до мај 2019 година, односно јули 2019 година.

Надзорот констатирал дека од страна на увозникот, компанијата Македонија лек бил направен технички пропуст.

„Имено, компанијата Македонија лек, кај мал број од пакувањата залепила стари декларации. Залепените декларации биле од претходниот увоз кој бил со важност до октомври 2018 година.

За оваа констатација на инспекцијата ја информиравме и компанијата Македонија лек.

Родителите и граѓаните може да бидат спокојни и слободно да продолжат со редовната имунизација на децата. Вакцините во вакциналните пуктови се со проверен квалитет и безбедност и во исправен рок на траење“, стои во соопштението од Министерството за здравство.

ПОВРЗАНИ ВЕСТИ

Кои се симптомите и како се пренесуваат мали сипаници

Најниската цена главен критериум на тендерот за набавка на вакцини вреден 10,7 милиони евра

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Кејт Брнс номинирана за нова амбасадорка на САД во Македонија

Редакција

Адвокатите му го откажаа полномошното на Груевски за „Титаник“

Редакција

Турско МНР: Анкара го поддржува членството на Македонија во ЕУ и НАТО

Редакција