еМагазин
Image default
Локално ТОП СТОРИИ

Вооружен инцидент: Пукање во центарот на Тетово

Нема повредени во оружениот инцидент што синоќа нешто по 21 часот се случи на булеварот „Маршал Тито“ во центарот на Тетово, информираа од теовската полиција.

Пукањето со огнено оружје било пријавено во полиција околу 21 часот и 10 минути од страна на граѓанин. Полицијата по добиени сознанија дека учествувале во престрелката привела три лица – Д.М.(43) од Лавце и Б.Д.(43) од Тетово, како и Џ.Р.(28) од Шипковица, а се трага по уште десеттина лица.

Уште синоќа на место на инцидентот излегоа полициски екипи. Тие со полициски ленти блокираа дел од булеварот од спротивната страна каде имаше оставено возило, како и дел од тротоарот пред ресторанот Делфин за крим техничка обработка.

Првичните информации од истрагата велат дека најпрвин започнала расправија помеѓу Д.М.(43) од Лавце и Б.Д.(43) од Тетово од една страна со Н.М.(34) Тетово од друга страна во едно казино по што тие излегле на булеварот каде започнале и престрелка со огнено оружје, пиштоли и калашникови.

Од куршумите биле оштетени три угостителски и продажни објекти, една балконска врата од стан и едно возило. Според очевици на настанот, дел од куршумите завршиле и во стаклото од излогот на ресторантот Делфи, но за среќа никој не бил повреден иако меѓу гостите настанала паника по што најголем дел од нив избегале од задниот влез.

Увид покрај екипи на полицијата извршил и јавен обвинител и се работи на целосно расчистување на случајот. Според досегашните неофицијални информации на самото место биле пронајдени повеќе чаури за пиштол и калашников калибар 9 и 7,62 милиметри, две возила и други траги што биле подигнати за вештачење.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

За новогодишното украсување на Скопје ќе се потрошат 13 милиони денари

Редакција

Раководителот на тетовски Водовод физички нападнат во канцеларија

Никола Осило

Уште една трагедија: Пронајдено мртво момчето кое сакало да се разлади во Вардар

Никола Осило